ACTA DA ASEMBLEA ORDINARIA DO 22 DE AGOSTO DE 2008

Reunidos en Asemblea Ordinaria, o 22 de agosto de 2008, ás 17:30, en segunda convocatoria, no local da Asociación de Empresarios do Tambre (Santiago de Compostela), coa presencia dos seguintes membros:

A Citania Arqueoloxía, S.L.
D.O.A., S.C.
Prospectiva y Análisis Arqueólogos, S.L.
Tomos, Conservación y Restauración, S.L.

A Asemblea comenzou coa lectura e aprobación da acta anterior, tratándose a continuación os seguintes puntos:

1. Comunicación e lectura das contrapropostas realizadas pola CIG ó borrador do Convenio Laboral presentado pola AEGA:
 Artigos 14, 16, 18, 22, 24, 29, 31 e disposicións adicionais: foron aceptados pola CIG sen ningunha modificación.
 Artigos 13 e 15: estes dous artigos teñen que ser presentados pola CIG na Asemblea de Traballadores para a súa aprobación.
 Artigos 27 e 28: a CIG detectou algúns erros, polo que só temos que adaptalos ó estipulado no Estatuto dos Traballadores.
 Artigo 12: a CIG propón que o Técnico do Grupo I só esteña baixo o control do Director e da Empresa; que se especifique que o Técnico Especialista do Grupo II non é arqueólogo; suprimir a primeira función do Encargado; e que o Auxiliar de apoio non pode ter máis de 12 meses de experiencia. Todas estas propostas foron aceptadas pola Asemblea.
 Artigo 17: A CIG aceptou os puntos 1 a 5, pero no punto 6 reclama unha indemnización por cese do 4,5%. A Asemblea decide manter o 2,5%.
Ademais, a CIG propón un punto 7 que especifique que o 25% do persoal contratado en cada obra debe estar ocupado por persoal das categorías I e II, proposta que foi aceptada pola Asemblea.
 Artigo 20: a CIG propón que o pago de nóminas se faga por transferencia bancaria e suprimir, polo tanto, o punto 2. Esta proposta foi aceptada pola Asemblea.
 Artigo 21: a CIG propón incrementar o importe da hora extra nun 75% ou 1 hora e 45 min. Esta proposta foi aceptada pola Asemblea.
 Artigo 23: a CIG propón que o Complemento de IT sexa pola totalidade da obra, pero a Asemblea decide manter a súa proposta orixinal.
 Artigo 25: a CIG propón, na xornada partida, un descanso diario de 20 min.; a reducción da xornada laboral a 39 horas para o 2010; e na xornada continua un descanso de 30 min. A Asemblea só acepta este último punto.
 Artigo 26: a CIG só propón modificar que as Festividades locais sexan fixas, ben do domicilio social ou ben do centro de traballo, sendo as primeiras as elexidas pola Asemblea.
 Artigo 30: a CIG só propón a inclusión do último parrafo da súa proposta orixinal, que foi aceptada pola Asemblea.
 Artigo 32: a CIG propón a supresión deste artigo, pero a Asemblea decide mantelo.

2. Na presente Asemblea, á proposta dos membros asistentes, tamén se aceptaron os seguintes puntos:
 Comunicar á Administración competente os acordos que se alcancen entre a AEGA e a CIG para a revisión e adaptación ó Convenio dos presupostos oficiais.
 Incidir, no momento de tratar os criterios de Calidade, sobre os baremos empregados pola Administración nas súas ofertas públicas.

A seguinte Asemblea Ordinaria acórdase convocala unha vez que teñamos a resposta da CIG a nosa contraproposta do Convenio Laboral.

Santiago, 25 de agosto de 2008



Andrés Bonilla Rodríguez Juan Carlos López García
Presidente Secretario Xeral

ACTA DA ASEMBLEA ORDINARIA DO 1 DE AGOSTO DE 2008

Reunidos en Asemblea Ordinaria, o 1 de agosto de 2008, ás 17:30, en segunda convocatoria, no local da Asociación de Empresarios do Tambre (Santiago de Compostela), coa presencia dos seguintes membros:

A Citania Arqueoloxía, S.L.
Anta de Moura, S.L.
D.O.A., S.C.
Gabinete de Arqueología e Xestión do Patrimonio, S.L.
Lesering, S.L.
Prospectiva y Análisis Arqueólogos, S.L.
Roberto Bartolomé Abraira

A Asemblea comenzou coa lectura e aprobación da acta anterior, tratándose a continuación os seguintes puntos:

1. Comunicación e lectura das contrapropostas realizadas pola CIG ó borrador do Convenio Laboral presentado pola AEGA:
- Artigos 1 a 4, 7, 8 e 10: foron aceptados pola CIG sen ningunha modificación.
- Artigo 5: A CIG propón que o Convenio entre en vigor dende a súa firma, inda que acepta que as claúsulas económicas non teñan vixencia ata a súa publicación no DOG. Esta proposta foi aprobada pola Asemblea.
- Artigo 6: A CIG mantén a súa proposta inicial da revisión do IPC+1 punto, que segue sendo rexeitada pola Asemblea.
- Artigo 10 da proposta da CIG (adhesión ó AGA): A CIG mantén a súa proposta inicial, que foi aceptada pola Asemblea.
- Artigo 11: a CIG propón a supresión das categorías de Coordinador, Técnico de apoio e Auxiliar de apoio, opoñéndose á presencia de peóns non especializados nas escavacións. A Asemblea acepta a supresión do Coordinador, pero decide manter ó resto de categorías.
- Artigo 19: a CIG propón unha única táboa salarial independentemente do Centro de Traballo coas seguintes cantidades anuais (inclúen salario base+pagas extras+vacacións+plus de transporte+plus de asistencia):
-Director: 20.297,54 €
-Técnico: 20.297,54 €
-Técnico especialista: 17.818,00 €
-Arqueólogo de Empresa: 20.297,54 €
-Encargado: 19.652,00 €
-Oficial: 19.618,54 €
-Jefe administrativo: 15.984,00 €
-Oficial administrativo: 15.592,00 €
-Auxiliar administrativo: 14.780,00 €
Ademais propoñen un Plus de Dirección de 550 €/mes e un Plus de Contrato Temporal de 139,47 €/mes.
A Asemblea, pola súa parte, acepta a unificación nunha única táboa salarial, pero coas seguintes cantidades totais (pluses incluidos):
-Director: 25.755,00 €
-Técnico: 19.155,00 €
-Técnico especialista: 17.818,00 €
-Técnico de apoio: 17.968,80 €
-Arqueólogo de Empresa: 16.680,00 €
-Encargado: 17.430,00 €
-Oficial: 16.800,00 €
-Auxiliar: 15.900,00 €
-Jefe administrativo: 14.790,00 €
-Oficial administrativo: 14.370,00 €
-Auxiliar administrativo: 13.500,00 €

2. Información sobre a creación dun Blog da AEGA de consulta libre (http://aegablog.blogspot.com/), na que se colgará toda a información xerada pola Asociación, así como outras informacións relacionadas coa arqueoloxía en xeral.
A edición de entradas queda restrinxida ós membros da directiva, como forma de controlar a información editada, polo que os socios da AEGA deberán poñerse en contacto con ditos membros para editar algunha información.

3. Información sobre a Lei 32/2006 de 18 de outubro, que é a nova Lei reguladora da subcontratación no sector da construcción, na cal aparecen importantes atrancos para o desenvolvimento da actividade arqueolóxica. Pola complexidade desta Lei, a Asemblea aceptou buscar asesoramento externo para analizar as implicacións provocadas por esta nova Lei para a nosa actividade.

A seguinte Asemblea Ordinaria acórdase convocala para o día 22 de agosto de 2008, no local da Asociación de Empresarios do Tambre (Santiago de Compostela) ás 17 h. en primeira convocatoria e ás 17,30 h. en segunda convocatoria, coa seguinte ORDE DO DÍA:
- Continuación da lectura das contrapropostas realizadas pola CIG ó borrador do Convenio Laboral presentado pola AEGA.
- Lectura e análise da información aportada polo asesor sobre a nova Lei de subcontratación.

PRÓXIMA ASEMBLEA

A próxima asemblea da AEGA queda fixada, na Asociación Empresarial do Tambre, para o día 1 de agosto (ás 17 h. en 1ª convocatoria e 17:30 en 2ª convocatoria) coa seguinte orde do día:
- Información e discusión das negociacións mantidas coa CIG respecto a a negociación do convenio laboral.
- Análise da nova lei de subcontratación no sector da construcción.